ASTURIA

ASTURIA

regio et civitas Hispaniae, prope Lusitaniam, ab Astura fluvio sic dicta. Das autem Asturiae annumerantur, quarum una vernacule Asturias de Quiedo dicta, Galiciâ terminatur, altera Santillana nomine, Cantabris et Vasconibus concluditur; utraque excelsis montibus attollitur. Ibi sunt breves equi, sed incessu veloces, qui Asturcones vocantur: hodie Pyrenaeos montes vulgus Las Asturias vocat. Metel. Totius regionis primaria est Lucus Asturum, Oviedo, urbs alias regiô titulô insignis. Regio haec montosa admodum et sterilis raros habet incolas. Baudrand. Rodericô Rege a Saracenis Maurisque victô, cum omnis nobilitas Gothorum cecidisset, sola, cum Cantabria, ex Hispaniae regnis, intacta remansit, A. C. 713. Tum Pelagius, ex regio Gothorum sanguine, ob illatam vim filiae suae a Praefecto Saraceno, ad Asturiorum montes profugiens, reliquias Gothorum ad libertatem vocavit, hostiumque XXUM. prostratis, novum in Asturiis regnum condidit. A. C. 714. 717. Ex Asturiis sedem Legionem transtulit Ordonius, A. C. 920. Obsesla Astura ab Almansore est A. C. 985. etc. Hodie sub Hispaniae Rege. Mariana, l. 7. Plin. l. 3. c. 3. et l. 4. c. 20. Strab. l. 1. Rodericus Sanctius in Chron.